الثلاثاء، 24 يناير، 2012

لا

"لا"
شرف الفانلة البيضا وشرف الفانلة الحمرا .... انشغل الناس بيهم لفترة ... و نسيوا إن فى شرف لدماء إخواتنا... ونسيوا إن فى شرف لميادين بلدنا ... ونسيوا إن فى شرف انتهك بناتنا ... ونسيوا إن فى شرف أنتهك لأخلاقنا..... ونسيوا إن فيه أمين على حقوقنا فى لحظة غدر طلع وصى علّىِ سارقنا وقتلنا ونهبنا وكمل على أخرنا ... ما هو كده كده معروف ... من أمتى بدأنا نفرق بين تنح وحلـــوف ... رسالتى مش للى نازل والى قاعد رسالتى لوطن أهلة بتتواعد .... عايز اقولكم أن الشهيد مماتشِ ... الشهيد بدمه حقق حلم كل واحد مقامشى ... باقى علينا أننا ننتفض للحق ... بدون نفاق وبدون تزيف ... محتاجين نوحد كلمتنا .... ونقول للظالم لا 

أنقسمنا لميادين .... ميدان الحق وميدان مجانين ... ميدان الدين ,ميدان تخوين , محتاجين نوحد كلمتنا يا بشر ... ميدان بيقول للظالم لا ..وميادين بتردد أميـــــــــــــــــــــــــــــــن 


لو كنا نازلين نحتفل ...  يبقى ننسى كل الى قلناه .... وندعوا الله أن يعين أهل كل أخ شهيد 
رحمة الله وأسكنة فسيح جناتة ورزق أهله الصبر والجنة بإذن الله ... يسقط يسقط كل ظالم 

الثلاثاء، 22 نوفمبر، 2011

فى حب مصــــــــــــــــــــــــــــــــــــــــــــــــر




فبعدما كنت اكتب قطرات ذهب فى حب مصر 

اصبحت ابكى على ما يحدث فيها 

وبعدما كنت انتقد ما يحدث حولى بالفاظ ساخره 

اصبحت اسخر من نفسى لعجزى على الوفاء لها 

كيف ارد جميلك وانتى لا تعلمين ما تريدين 

يأستى مما يفعله ابنائك ببعضهم 

ولم تيأسى مما يفعله اعدائك بكِ 

فهذه معانى التضحية ....... وصدق من قال انكِ اماً

فى حب مصــــــــــــــــــــــــــــــــــــــــــــــــر

الأحد، 20 مارس، 2011

عيد ميلاد الحريه


                                     عيد ميلاد الحريه


عيد ميلاد الحريه 


                           اتولد الليله ديه 


كان زمان صوته بيخفوه


                         دلوقتى لو هيموتوه


هيقف فى طابور طويل 


                       يقول صوت الضمير


يا بلادى مازلتى حرة 


                     وصوتك واصل لبرة


صدقوا ان احنا شعب

                   واحنا ملوك المجرة


( مصر )



الأربعاء، 9 مارس، 2011

خطأ شنيع

                                   خطأ شنيع



خطأ شنيع 
وقعوا فيه اهالينا من سنين 
عرفونا ان فى رب اسمه كريم 
ومعلموناش نعرفة منين 
فلاقيت قدامى طريقين 
طريق منهم ادانى بندقية 
وقالى روح حارب مع التانين 
وقتلت ابرياء ومساكين
 ولاقيت اسمى نازل فى قائمة الارهابيين 
فرجعت لاهلى قالولى ابعد
انت ضال واحنا مسلمين 
فشكوت ربى ان ده خطائهم
معلمونيش افرق ما بين الاتنين
وطول عمرهم بيقولو ان دول ارهابيين 
لحد ما برا صدقوا اننا ارهابيين 
ونسيوا انهم هما الى بادئين 
وقاتلو عزل ومساكين 
وانا عرفت ان الارهاب
لا دين ولا يقين


اما طريقى التانى 
فكان فساد مالوش حلين
جالى واحد وقالى خد سجارة 
وكبر دماغك من البنأدمين
وهتحس بسعادة وراحة 
وسيبك من الهم والتعبانين
وهتحس انك مش فى دنيا 
دا انت فى نعيم
وشربت ومعرفتش انا مين 
هل انا الارهابى الى قالوا عنه من يومين
ولا مسطول وده حال العطلانين
وصلت لحالة انى عايز
اوصل لحل للحالتين


فسمعت قران كريم 
بيقول اتقو ربى الكريم 
ده غفور و رحيم 
وساعد الناس المؤمنين
ومتضرش حد من التانين
لان ده من برا الدين


ودى مهمتكم يا اهل الدين
تنقذوا شباب ضايع من سنين
وتعرفوهم بحب ايه هو الدين
لان اهاليهم غلطوا 
وقاللولهم ده غلط وده حرام
وده مش تصرف بنأدمين
ونسيوا ان فى دين فى حل 
للناس اجمعين
وعرفوا الناس الى مش فاهمين
ان ده ولا دين تطرف ولا ارهاب 
ولا مجرمين


ده دين اعتدال وسلام ويقين

وده باين من اسمه 
لو كنتوا بتفكروا لو بس ثانيتين يا منافقين

دعوه للتغير ( مسانده الاحرار )

                                         دعوه للتغير ( مسانده الاحرار )


مع انى لا ادعو الى التخريب والدمار 

ولاكنى ادعو الى فك الحصار 

على كل كلمة تخرج من حبر قلم

او خرجت يوما من فاه مغوار 

فهذا حقة صدقا

وسوف يثابر الى الانتصار 

(تشجيعا الى كل من يطالب بحريتة )

السياسة مش مكان للعواطف

                                                                 السياسة مش مكان للعواطف

انا اسف يا ريس كلمة اتلغت من سنين 

لما عرفت انك ظلمت وقتلت ناس ابرياء ومساكين

غيرت راى وقلت مش هشجع ظالمين

ومش هنزل علشان اكرمك فى الميادين

لانك فهمتنى انك معيشنى فى نعيم

وده حقى وهطالب بيه مهما يكون

وكفاية عليك انك تعيش مهموم

وتشوف حياتك كل يوم ميت لون

وتلاقى اهلك بيقلولك

دول حبايبك بيشجعوك فى الميادين كل يوم

يا ريس لا اسف دانتا مخلوع من كام يوم



الجمعة، 21 يناير، 2011

قصيدة : لا امة ولا هما

يمكن اكون مش شاعر ولا بكتب قصائد ودى تعتبر اول قصيدة ليا ومعلش هشرح حاجة بسيطة جدا عن لية كتبت القصيدة واية معنى الاسم
اولا كتبتها علشان شوفت شباب كتير جدا نايم مبيعملش اى حاجة وكنت شفت فى يوم من الايام احدى الصور المسيئة للرسول صلى الله علية وسلم واضيقت جدا فاقسمت انى هنصرة بافعالى واحاول اخلى المسلمين كلهم ينصروه وصدر منى لفظ اننا لا امة محمد ولا الصحابة الى الرسول الكريم صلوات الله وسلامة علية قالهم( ان سوف ياتى يوم على امتى اجر العامل منهم بخمسين منكم فقالو بل منهم يا رسول الله قال بل منكم فانتم تجدون على الخير اعوانا وهم لا يجدون على الخير اعوانا ) وده الى ملقيتوش فى معظم شبابنا

                          لا امة ولا هما
لو هنبقى زى ما احنا                                                لاهنبقى امة ولا هما
الى واحد مننا                                                         بخمسين منهم
قلتلى يا عم روح                                                    هو مين قدهم
قلتلك ده الصادق الامين الى قالهم                         لاكن الامة محتاجة همة
تحط ايد فى ايد                                                       تشيل حديد
تبنى بيوت                                                           لناس بتموت
من حرب وطاغوط                                                وبلاد ملهاش حدود
شالت كل الخطوط                                                 وحطط مكانها السدود
قدام كل بق                                                          يقول هاخد حقى ولو هموت
ومات وانت اعد زيهم بتتفرج                                   عليهم ومش بتساعد ابنهم
قلتلى بكرة هقوملهم                                                 لو بكرة يبقى مش هتقوم
وتقابل رب كريم                                                 وتقوله اعدت يوم ولا يومين
ما هى الدنيا زى الحلم بيحكى                                  فى سنين ويعدى فى ثانيتين
واحنا فى حال ملغوم                                             محتاج لو بس لمسة 
تفجره فى وش ظالم                                             وتنصر مظلوم
قوم وحاول زيهم                                                واعمل حاجة لابنهم
قوم وحب وطنك ووطنهم                                      وحب ربك قبلهم
عايز حاجة توصلهم                                            عايز حد يقولهم
ان بقى واحد مننا                                                بخمسين منهم
ورجعنا ارضنا                                                      ومعاها ابنهم
لو هنبقى كده                                                     هنبقى امه وهما
انا خلصت كلامى                                                 وخلص حبر اقلامى 
واتمنى من ربى                                                   ان يكون فى كلامى 
تأثير فى قلب                                                      بنى ادم انسانى